နိုင်ဂျီးရီးယားနိုင်ငံကမ်းခြေမှ မိုင် ၂၀ အကွာတွင် ဆွဲသင်္ဘောတစ်စီး နစ်မြှုပ်သွားပြီး၊ မှောက်ခုံအနေအထားဖြင့် ပင်လယ်ကြမ်းပြင်သို့ကျသွားသည်။ သင်္ဘောသား ၁၁ ယောက် ပါသွားသော်လည်း စားဖိုမှူး ဟာရီစန် အိုဂျက်ဘ အိုကီနေး (Harrison Odjegba Okene) သည် လေခိုနေသောနေရာတစ်ခုကို တွေ့ရှိပြီး၊ ထိုနေရာတွင် ကယ်ဆယ်မည့်သူများကို စောင့်နေခဲ့သည်။ သူလက်၌ ကုတ်(Coke)အချိုရည်ဘူးသာရှိပြီး၊ အသက်ကယ်အင်္ကျီမှ အရေးပေါ်မီးနှစ်ပွင့်မှာ ပထမ၂၄ နာရီအတွင်း အားကုန်ပြီး မီးမလင်းတော့ပါ။ အလွန်ကြောက်မက်ဖွယ်သော သုံးရက်တာအတွင်း အိုကီနေးသည် ပင်လယ်ကြမ်းပြင်၏အမှောင်ထု၌ တစ်ယောက်တည်း ပိတ်မိနေခဲ့သည်။ အလောင်းများကို ရှာဖွေရန် တာဝန်ဖြင့် ကယ်ဆယ်ရေး ရေငုပ်သမားများရောက်ရှိလာချိန်တွင် အိုကီနေးသည် သူ၏မျှော်လင့်ချက်ကို လက်လျော့စပြုနေချိန်ဖြစ်ပြီး၊ ကယ်ဆယ်ရေးသမားများ ရောက်လာချိန်တွင် သင်္ဘောဝမ်းဗိုက်ခန်းတွင် ဆောင့်ကြောင့်ထိုင်လျက် ခိုက်ခိုက်တုန်နေသည့်သူ့ကို တွေ့ရှိခဲ့ကြသည်။
နာရီပေါင်း ၆၀ မျှ အမှောင်ထုထဲတွင် တစ်ဦးတည်းနေခဲ့ရ၍ အိုကီနေး၏ပုံစံမှာ အလွန်ချောက်ချားနေပုံရသည်။ အလွန်ကြောက်မက်ဖွယ်အဖြစ်အပျက်ကို…
စိတ်ကူးယဉ်ဇာတ်လမ်းထဲမှ တိရစ္ဆာန်များနှင့် စကားပြောသူ ဒေါက်တာ ဒိုလီတဲလ်သည် စာအုပ်များ၊ ရုပ်ရှင်များနှင့် ပြဇာတ်များမှတစ်ဆင့် ပရိသတ်များကို ပျော်ရွှင်စေခဲ့သည်။ သို့သော် ပထမကမ္ဘာစစ်အတွင်း ကြောက်မက်ဖွယ် ကတုတ်ကျင်းများကြားမှ သူ၏ကလေးများအတွက် ဒိုလီတဲလ်ပုံပြင်များကို စတင်ရေးသားခဲ့သူ စာရေးဆရာ ဟုဂျ်လော့ဖ်တင်အကြောင်းကို လူအနည်းငယ်သာ သိကြသည်။ စစ်အနိဌာရုံများကို ရေးသားရန်မှာ အလွန်ကြောက်မက်ဖွယ်ဖြစ်ခြင်းကြောင့် သူသည် ပုံပြင်များကိုသာ ရေးသားသရုပ်ဖော်ခဲ့သည်ဟု သူက နောက်ပိုင်းတွင် ပြောကြားခဲ့သည်။ စိတ်ကူးယဉ်ဆန်ပြီး နှစ်သက်ပျော်ရွှင်စရာများနှင့်ပြည့်သော ပုံပြင်များသည် စစ်၏ထိတ်လန့်ဖွယ်ရာများကို တွန်းလှန်ဖယ်ရှားသည့် လော့ဖ်တင်၏နည်းလမ်းပင်။
မတားဆီးနိုင်လောက်အောင် အားကြီးပြီး၊ ခြိမ်းခြောက်လျက် အရှက်ရစေသော အင်အားစုများကို ဆန့်ကျင်ကာ လှုပ်ရှားနေသူတစ်ဦးကို မြင်တွေ့ရခြင်းက စိတ်ကို အားတက်ဖွယ်နှိုးဆော်သည်။ မတရားမှု၊ အကြမ်းဖက်မှုနှင့် လောဘတရားများ အောင်နိုင်သွားမည်ကို စိုးရိမ်သောကြောင့် ကြံ့ကြံ့ခံနိုင်ရည် သတ္တိကို ကျွန်ုပ်တို့အံ့သြလေးစားကြခြင်း ဖြစ်သည်။ တစ်ခါတစ်ရံ မကောင်းမှုက ကမ္ဘာတစ်ခုလုံးကို အနိုင်ယူသွားမှာကို (ရော…
ဝါရှင်တန်ဒီစီ၏ L’Enfant (လန်းဖန့်ထ်)ပလာဇာမြေအောက်ရထားဘူတာအနီးတွင် ဖျော်ဖြေနေသော ဟန်ဆောင်မှုကင်းသည့်တယောသမားသည် ဘေ့စ်ဘောဦးထုပ်နှင့် တီရှပ် အင်္ကျီကို ဝတ်ဆင်ထားသည်။ တယောကြိုးများအပေါ်တွင် ဘိုးတံကို ရွေ့ကာ ငြိမ့်ညောင်းသောတေးသွားများကို ဖန်တီးနေသည်။ သို့သော် လမ်းသွားလမ်းလာများက သူ့ကို သတိမထားမိဘဲ ဖြတ်ကျော်သွားကြသည်။ ဂီတအစီအစဥ် တစ်ခုလုံးကို သူအစအဆုံးတီးခတ်နေစဉ် လူလက်တဆုပ်စာမျှကသာ ရပ်နားထောင်ခဲ့ကြသည်။ ယမန်နေ့ညက ကွန်ဂရက် စာကြည့်တိုက်တွင် ထိုတေးဂီတတစ်ခုလုံးကို ဖျော်ဖြေတင်ဆက်သွားသူ ကျွန်ုပ်တို့မျိုးဆက်၏ပြိုင်စံရှားပါရမီရှင် Joshua Bell (ဂျော့ရှုဝါးဘဲလ်) ကို သူတို့သတိမထားမိဘဲ ကျော်သွားကြောင်း လူအုပ်ကြီးအား သိစေချင်စမ်းပါဘိ။ ဘဲလ်သည် အကြမ်းဖျင်း ၅ မီလီယံ တန်ဖိုးရှိသည့် ၁၇၁၃ ခုနှစ်ထုတ် တယောဖြင့် ကမ္ဘာ့ အခက်ဆုံးသော၊ ညှို့အားအပြင်းဆုံးသော တေးသွားများကို တီးခတ်ပြခဲ့သည်။
ခါရန်ပြည်သို့ ထွက်သွားသည့်ယာကုပ်၏ အတွေ့အကြုံကဲ့သို့ပင် (က ၂၈:၁၀) မိမိမျက်စိအောက်ရှိ အံ့ဖွယ်ရာများကို သတိမမူမိဘဲ ကျော်သွားရန်မှာ…
၁၈၉၀ ခုနှစ်တွင် အပျော်တမ်းငှက်များကိုလေ့လာသူ ယူဂျင်း ရှိဖလင် (Eugene Schieffelin) သည် နယူးယောက်မြို့ ဗဟိုပန်းခြံတွင် ဥရောပမှ စတာလင် (starling) ငှက်အကောင်ရေ ၆၀ ကိုလွှတ်ရန် ဆုံးဖြတ်ခဲ့သည်။ ယခင်က အခြားသောငှက်အမျိုးအစားများကို စမ်းသပ်လွှတ်ခြင်းများရှိခဲ့ပြီး၊ ရှိဖလင်လွှတ်ခဲ့သည့် စတာလင်ငှက်များသည် ထိုနေရာတွင် အသိုက်စွဲခဲ့၍ အောင်မြင်မှု ရရှိခဲ့သည်။ ယခုအခါ စတာလင်ငှက်အရေအတွက် ၈၅ သန်းခန့်သည် ထိုဒေသအနှံ့တွင် ရှိနေပြီး၊ စိတ်မကောင်းစရာမှာ စတာလင်ငှက်များကြောင့် ဒေသခံမျိုးရင်း ငှက်များပျောက်ကုန်ပြီး၊ တိရစ္ဆာန်များသို့ ရောဂါကူးစက်ပျံ့ပွားမှုများကို ဖြစ်ပေါ်စေခဲ့၍ နှစ်စဉ်ဒေါ်လာသန်းပေါင်း ၈၀၀ ခန့် ဆုံးရှုံးမှုရှိခဲ့သည်။ သူ၏ ရွေးချယ်မှုကြောင့် ထိုမျှလောက် ဆုံးရှုံးမှုကြီး ဖြစ်လာလိမ့်မည်ဟု ရှိဖလင် မထင်မိခဲ့ပါ။
ရွေးချယ်မှုများ၌ ကြီးမားသောအကျိုးဆက်များ ရှိလာနိုင်သည်။ ကြိုတင် သတိပေးထားသော်လည်း သူတို့၏ရွေးချယ်မှုကြောင့် ဘုရားသခင်၏ဖန်ဆင်းခြင်းများအပေါ် ကြီးမားစွာ ဂယက်ရိုက်လာမည်ဟု အာဒံနှင့်ဧဝတို့ အမြော်အမြင်…
အင်္ဂလိပ်ပထမတန်းဘောလုံးကလပ်(ပရီးမီးယားလိဂ်)တွင် လီဗာပူးလ်အသင်းအတွက် ဆီနီဂေါနိုင်ငံမှ နာမည်ကျော်ဘောလုံးကစားသမား ဆာဒီယိုမာနေး (Sadio Mane)ကစားစဉ်က သူသည် အာဖရိကန်ကစားသမားများတွင် ကြေးအမြင့်ဆုံးရသော ကစားသမားတစ်ဦးဖြစ်ပြီး၊ နှစ်စဉ်ဒေါ်လာသန်းနှင့်ချီ၍ဝင်ငွေရသည်။ ဖုန်း မျက်နှာပြင်အကွဲနှင့်အိုင်ဖုန်းကိုသာကိုင်သည့် မာနေး၏ပုံကို ပရိသတ်များတွေ့သည့် အခါ ဖုန်းအစုတ်ကိုင်သည့်သူ့ကို ပရိသတ်များဟာသလုပ်ကြသည်။ သူ့တုံ့ပြန်မှုမှာ အေးဆေးပင်။ “ဘာလို့ ငါက ဇိမ်ခံ ဖာရာရီကား ၁၀ စီး၊ စိန်လက်ပတ်နာရီအလုံး ၂၀ နဲ့ ဂျက် လေယာဉ် ၂စီး လိုချင်ရမှာလဲ။ ငါငတ်မွတ်ခဲ့ဖူးတယ်။ လယ်ကွင်းထဲမှာ အလုပ်လုပ်ခဲ့ဖူးတယ်။ ဖိနပ်မပါဘဲ ကစားခဲ့ဖူးတယ်။ ကျောင်းလည်း မနေခဲ့ရဘူး။ ဒါပေမဲ့ အခု ငါလူတွေကို ကူညီနိုင်ပြီ။ ကျောင်းတွေဆောက်ပေးဖို့၊ ဆင်းရဲတဲ့သူတွေကို အစားအစာနဲ့ အဝတ်အထည်တွေပေးဖို့၊ ဘဝမှာ ငါခံစားရတဲ့အရာတစ်ချို့ကို ပေးကမ်းဖို့ကိုပဲ ငါပို သဘောကျတယ်”ဟု သူပြောခဲ့သည်။
သူ၏ဇာတိနိုင်ငံရှိ သူ့အိမ်နီးချင်းများ ကြပ်တည်း ရုန်းကန်နေရသည့်အခြေ အနေတွင်…
၁၉ ရာစုနှစ် အင်္ဂလိပ်လူမျိုးဘုန်းတော်ကြီး ဝီလီယန် ထဲမ်ပဲလ် (William Temple)သည် တစ်ချိန်က အောက်စဖို့တက္ကသိုလ် ကျောင်းသားများအား ဒေသနာဝေငှရာတွင် (လက်ဝါးကပ်တိုင်တော်ကြည့်၍ အံ့သြဖွယ်ရာကျူး”) ဓမ္မတေးမှ စာသားများဖြင့် အဆုံးသတ်ခဲ့သည်။ ထိုသီချင်းကို ပေါ့ပေါ့တန်တန်သဘောမထားရန် သတိပေးလျက် “စာသားများကို စိတ်ထိတွေ့ပြီး စာသားအတိုင်း ဆက်ကပ်လျှင် အသံကျယ်နိုင်သလောက် ကျယ်ကျယ်ဆိုပါ။ စာသားများကို စိတ်မထိတွေ့လျှင် အသံမထွက်ဘဲ ငြိမ်ငြိမ်လေးနေပါ။ စာသားအချို့ကိုသာ စိတ်တို့ထိပြီး ပိုတိုး၍ ဆက်ကပ်လိုလျှင် ဖွဖွလေးသာ သီဆိုပါ”ဟု ဆရာထဲမ်ပဲလ်က ပြောပါသည်။ ပရိတ်သတ်များ ငြိမ်သက်သွားပြီး မျက်လုံးများက စာသားများသို့ရောက်သွားသည်။ ထောင်နှင့်ချီသောအသံများက စတင်၍ ဖြေးညင်းစွာသီဆိုကာ “မေတ္တာတော်မြတ် အောက်မေ့သောခါ အသက်ဝိညာဉ်ဆက်ကပ်မှပေ”ဟူသော နောက်ဆုံးအပိုဒ် စာသားကို အလေးအနက်ပြု၍ သီဆိုကြတော့သည်။
ရှင်ယေရှုကို ယုံကြည်၍ သူ၏နောက်တော်သို့လိုက်လျှောက်ခြင်းသည် ကျွန်ုပ်တို့ထံမှ ရှိသမျှတောင်းဆိုမှုကို ပေးမည်ဟု လက်တွေ့ကျသည့် ချစ်ခြင်းကို ပြရန် သဘော…
တိုင်းနိုင်ငံများကို စစ်ဖြစ်စေသည့် မိုက်မဲသည့်အရာများအနက် မုန့်ကြောင့် စစ်ဖြစ်ခြင်းက အဆိုးဆုံးဖြစ်နိုင်ပါသလား။ ၁၈၃၂ ခုနှစ်တွင် ပြင်သစ်နှင့်မက်ဆီကိုတို့ တင်းမာမှုများကြားတွင် မက်စီကိုစစ်တပ်မှ အရာရှိတစ်ဖွဲ့သည် မက်ဆီကိုမြို့ရှိ ပြင်သစ်မုန့်ဆိုင်သို့ သွားရောက်ကာ မုန့်ဖုတ်သမား၏ ကုန်ပစ္စည်းအားလုံးကို ငွေမရှင်းဘဲ ယူခဲ့ကြသည်။ အသေးစိတ်အချက်အကြောင်းအရာများက ရှုပ်ထွေးသော်လည်း (အခြားရန်စမှုများက ပြဿနာများကို ပိုကြီးစေသည်)။ ရလဒ်မှာ ပထမဆုံးအကြိမ် ပြင်သစ်နှင့်မက်ဆီကိုတို့ စစ်ဖြစ်ပြီး(၁၈၃၈-၃၉)၊ “မုန်ညှက်ဖြင့် ပြုလုပ်သောမုန့် -Pastry”စစ်ပွဲဟု ထင်ရှားသည့် စစ်ပွဲတွင် စစ်သား သုံးရာကျော် သေဆုံးခဲ့သည်။ ဒေါသစိတ်၏လှုံ့ဆော်မှုကြောင့် စစ်ဖြစ်ခဲ့ခြင်းက ဝမ်းနည်းစရာ ဖြစ်သည်။
အိမ်ထောင်ရေးပြိုကွဲခြင်းနှင့် ခင်မင်ရင်းနှီးမှုဆက်ဆံရေးပျက်ခြင်း စသည့် လူသား၏ပြဿနာအများစုသည် ပုံစံအမျိုးမျိုးဖြင့် အမျက်ဒေါသကို မထိန်းနိုင်ခြင်းသဘော၌ အမြစ်တွယ်လာဖွယ်ရှိသည်။ တစ်ကိုယ်ကောင်းဆန်မှုနှင့် အာဏာပြမှု၊ နားလည်မှုလွဲမှားခြင်းကို မဖြေရှင်းခြင်း၊ အနည်းငယ်သော တန်ပြန်ရန်လိုမှု- ထိုအရာ အားလုံးသည် မိုက်မဲမှုဖြစ်သည်။ မကြာခဏဆိုသလို ကျွန်ုပ်တို့၏မှားယွင်းသော ခံယူချက်…
၂၀၂၁ ခုနှစ်တွင် အမေရိကန်လေကြောင်းလိုင်းများသည် အိတ်ပေါင်း နှစ်သန်းခန့်ကို စီမံခန့်ခွဲမှုလွဲမှားခဲ့ကြောင်း အမေရိကန် သယ်ယူပို့ဆောင်ရေးဌာနက သတင်းထုတ်ပြန်ခဲ့သည်။ အိတ်များစွာကို ရက်အနည်းငယ်တွင် ပြန်ရခဲ့ကြ၍ ကံကောင်းသည်။ သို့သော် အိတ်ထောင်ပေါင်းများစွာမှာ ထာဝရပျောက်ဆုံးကုန်သည်။ ပစ္စည်းများနှင့် ချိတ်ဆက်ထားသော GPS စက်များ စျေးကွက်တွင် တစ်ရှိန်ထိုး စျေးမြင့်တက်လာသည်မှာ အံ့သြစရာမရှိပါ။ ထိုစက်က လေကြောင်းလိုင်းများမှ ရှာဖွေမှုရပ်တန့်လိုက်သောအခါတွင် အိတ်များကို ခြေရာခံနိုင်စေသည်။ အရေးကြီးသည်များကို ခြေရာခံရန် တာဝန်ရှိသူများကို ယုံကြည်၍မရခြင်းကို ကျွန်ုပ်တို့အားလုံး စိုးကြောက်ကြသည်။
ဣသရေလလူမျိုးများသည် ဘုရားသခင်အပေါ် ထိုသို့စိုးရွံ့ကြောက်စိတ်များ ရှိကြပြီး ကိုယ်တော် သူတို့ကို စွန့်လွှတ်လိုက်မည်ကိုသာ ကြောက်ရွံ့ကြသည်။ သူတို့သည် နယ်မြေသစ်သို့ ဝင်ရောက်ရန် ပြင်ဆင်နေကြစဉ်တွင်၊ မောရှေက သူသည် ၎င်းတို့အား ဦးဆောင်တော့မည်မဟုတ်ကြောင်း မငြိမ်မသက်ဖြစ်စေ သည့်သတင်းကို ပြောခဲ့သည်။ သူသည် အသက်ကြီး၍ “[သူတို့]ကို မဦးဆောင်နိုင်တော့”ကြောင်းရှင်းပြခဲ့သည်(တရား ၃၁:၂)။ လူများတို့သည်…
ရုရှားနှင့်သုံးလကြာ ဆောင်းရာသီစစ်ပွဲ (၁၉၃၉-၁၉၄၀)တွင် ဖင်လန်စစ်သည်တစ်ဦးသည် စစ်မြေပြင်၌ ဒဏ်ရာနှင့် လဲနေသည်။ ရုရှားစစ်သည်တစ်ဦးက ရိုင်ဖယ် သေနတ်ကို ချိန်ကာ လျှောက်လာသည်။ ဖင်လန်စစ်သည်မှာ သူ့ဘဝအဆုံးသတ်ရန် သေချာနေသည်။ သို့သော် ရုရှားစစ်သည်က သူ့အား ဆေးသေတ္တာကို ကမ်းပေးပြီး ဆက်လျှောက်သွားသည်။ အံ့ဩဖွယ်ရာမှာ နောက်ပိုင်းတွင် ဇာတ်ကောင် ပြောင်းပြန် ဖြစ်သွားပြီး၊ ဖင်လန်စစ်သည်သည် သူကြုံခဲ့သည့် အခြေအနေအတိုင်း စစ်မြေပြင်တွင် ဒဏ်ရာနှင့်လဲနေသော ရုရှားစစ်သည်ကို တွေ့ရှိခဲ့ရသည်။ ဖင်လန်စစ်သည်သည် ထိုသူအား ဆေးထောက်ပံ့ပစ္စည်းများကို ပေးပြီး ဆက်လျှောက်သွားသည်။
ကျွန်ုပ်တို့၏အသက်တာအတွက် “သင်တို့သည် ကိုယ်၌ သူတစ်ပါးပြုစေလိုသမျှအတိုင်း သူတစ်ပါး၌ ပြုကြလော့” (မ ၇:၁၂) ဟူသည့် အဓိကလမ်းပြဥပဒေတစ်ရပ်ကို သခင်ယေရှုပေးခဲ့သည်။ ယုံကြည်သူများသည် ဤ ရိုးရှင်းသောဥပဒေသကို ထိန်းသိမ်းလိုက်နာမည်ဆိုလျှင် ကျွန်ုပ်တို့၏ကမ္ဘာသည် မည်မျှထူးခြားသွားမည်ကို သင်တွေးမိပါသလား။ ရှင်ယေရှု၏ဉာဏ်ပညာကို ကျွန်ုပ်တို့ စုပေါင်းနာခံကြမည်ဆိုလျှင် ဖိနှိပ်မှုများ…
ကျွန်ုပ်တစ်ခါမှ မရောက်ဖူးသော နယ်မြေဖြစ်သည့် အိန္ဒိယနိုင်ငံသို့ လေယာဥ်ဖြင့် သွားခဲ့ပြီး ဘန်ဂါလုရူလေဆိပ်သို့ ညသန်းခေါင်ကျော်မှ ရောက်ရှိခဲ့သည်။ အီးမေးလ်စာများစွာအသွားအလာရှိခဲ့သော်လည်း ကျွန်ုပ်ကို မည်သူလာကြိုမည်၊ ဘယ်မှာ တွေ့ရမည်ကို ကျွန်ုပ်မသိပါ။ ပစ္စည်းထုတ်ရန်နေရာနှင့် အကောက်ခွန်ဌာနသို့ လူအုပ်ကြီးနှင့် ရောကာ လိုက်သွားပြီးနောက် လေဆိပ်အပြင်ဘက်တွင် ပူအိုက်သောည၌ လူအုပ်ကြီးကြားထဲမှ ကျွန်ုပ်ကိုသိမည့်သူကို လိုက်ရှာမိသည်။ တစ်နာရီမျှ လူအုပ်ရှေ့မှာ ရှေ့နောက်လျှောက်လိုက်နှင့် ကျွန်ုပ်ကိုတစ်စုံတစ်ယောက်မှတ်မိဖို့ မျှော်လင့်နေမိသည်။ နောက်ဆုံးတွင် ကြင်နာသည့် အမျိုးသားတစ်ယောက် ရောက်လာပြီး “သင်က ဝင်း လား”ဟု မေးကာ “တောင်းပန်ပါတယ်။ သင့်ကို ကျွန်ုပ်မှတ်မိမယ် ထင်ခဲ့တာ။ ကျွန်ုပ်ရှေ့မှာ သင်ခေါက်တုံ့ခေါက်ပြန်လျှောက်နေပေမယ့် သင်က ကျွန်ုပ်ထင်ထားတဲ့ပုံစံနဲ့ မတူဘူး” ဟုဆိုသည်။
ကျွန်ုပ်တို့သည် ပုံမှန်အားဖြင့် ရှုပ်ထွေးမှုဖြစ်ပြီး မိမိသိသင့်သည့် လူများ၊ နေရာများကို မမှတ်မိနိုင်ဖြစ်နေတတ်သည်။ သို့သော် ဘုရားသခင်သည် သူ့ကိုမှတ်မိရန် မမှားနိုင်သောနည်းလမ်းကို ပေးထားသည်။…